குறிப்புக்கள் - (Notes)
வேறுபாடுகள் - (Pathanthara)
¹ - புட்டக₃னே - புட்டு லேகனே : இவ்விடத்தில் 'புட்டக₃னே' என்பதே பொருந்தும்.
Top

மேற்கோள்கள்

விளக்கம்
² - பூ₄மினி த்யாக₃ம்பு₃ ரீதி - புவுயில் துறவு நிகராக - இதற்கு, (அனைத்து பண்புகளிலும்) 'துறவுக்கு நிகரில்லாதது போன்று' (நீ திகழ்கின்றாய்) என்றோ, அல்லது, 'துறவின் சின்னமாக நிகரற்று' (நீ திகழ்கின்றாய்) என்றோ பொருள் கொள்ளலாம்

ஒரு புத்தகத்தில் இன்னோர் சரணமும் கொடுக்கப்பட்டுள்ளது - மற்றெந்த புத்தகத்திலும் இந்த சரணம் கொடுக்கப்படவில்லை.

இஷ்ட தை₃வமா மனோபீ₄ஷ்டமீய லேகயிங்க
கஷ்டமா த்யாக₃ராஜு காமிதார்த₂ ப₂லமொஸங்க₃ (கால)

விருப்பமான தெய்வமே!
எனது உள்ளம் விழைவதனை வழங்காது, இன்னும் தொல்லையா?
தியாகராசனுக்கு விரும்பியவற்றின் பயனை அளிக்க, காலம் தாழ்த்துவதேன்?
Top

இஷ்ட/ தை₃வமா/ மனோ/-அபீ₄ஷ்டமு/-ஈய லேக/-இங்க/
விருப்பமான/ தெய்வமே/ எனது/ உள்ளம்/ விழைவதனை/ வழங்காது/ இன்னும்/

கஷ்டமா/ த்யாக₃ராஜு/ காமித-அர்த₂/ ப₂லமு/ ஒஸங்க₃/ (கால)
தொல்லையா/ தியாகராசனுக்கு/ விரும்பியவற்றின்/ பயனை/ அளிக்க/ காலம்... தாழ்த்துவதேன்

இந்த சரணத்தினில், 'தியாகராஜ' என்ற அவரது முத்திரை திரும்பவும் வருகின்றது. மேலும், மூன்றாவது சரணத்தினில், தியாகராஜர், 'உடலும் செல்வமும் உனதே' - அதாவது 'உனது பொறுப்பு' என்று பொருள்பட கூறுகின்றார். இந்த அதிகப்படியான சரணத்தில், 'தியாகராஜனுக்கு விரும்பிய பொருட்களை (காமித-அர்த₂ ப₂லமு) அளிப்பதில் காலம் தாழ்த்துவதேன்?' என்றுள்ளது. இது ஒன்றுக்கொன்று முரணானது. எனவே இந்த அதிகப்படி சரணம் உண்மையிலேயே தியாகராஜரால் இயற்றப்பட்டதா என்ற ஐயம் எழுகின்றது.
Top